[MAYAR]

اول حاجه كيف حالك انتي وين يا عمي هالغيبه !! ... صدقي اشتقنا لقلمك وكتاباتك بجد والله .. يعني حاولي بعينك الله تكثفي من وجودك عشانا يعني وعشان المنتدى ..

الدنيا صيف يعني اجازة ان شالله بكون متواجدة هنا :)

حلو انك اعطيتنا من وقتك وناقشتني ال 3 نقاط الي حكيت انا فيهم

هاي بحد ذاتها بعتبرها تقدير


متفقين جميعا في النقطة التانية


ودائما الخلاف لا يفسد للود قضية


كانت تنويهات وانتقادات من وجهة نظري

أكيد من وجهة نظر غيري تختلف


شكرا للجمييييييييييييييع


موفقين

[Maha]

ميييييييار

يعطيكي العافية شايفة لما تفضي شو بيطلع معك هههه

نقدك بعضه بمطرحه وبعضه لا ... يعني لا سبيل منو متل المواضيع المنقولة حتى وان ما اختلفت الفكرة فلا بديل عنها يعني بدك تقعدي تكتبي اي اذا انتي بذات نفسك بتقولي انو مش فاضية هههه


احنا بمنتديااات قسم علمي اللي ما بنقدر نغير فيه وقسم ترفيهي اللي بنحاول نعمل كل اللي بايدنا ونخلق جو حلو

اما بالنسبة لللهجات اعتقد خفت هاي النقطة اخر فترة وحاولنا ع قد ما نقدر نعدل فيها

اما قصة الشعر :) قلتلك امسكي القسم انتي اللي رفضتي هههه


نقدك حلو وتشكري عليه

بس خلينا ايد واحدة بنصير احسن الناس مش بس نطل مت القمر مرة بالشهر هههههههه الكلام الك يا كنة :)

عندي قناعة كل حاجة بتيجي بالراحة وبنتوفة نتوفة

يعطيكي الف عافية يا رب :)

[هدوء]

مين ؟ ايش فيه؟

هييي :| ميار في بيتنا ؟؟؟؟ اهلا يااهلا

عليكي مخالفة بكتابة 100 موضوع متنوعة لجميع أقسام المنتدى

خديها يااوراكيدا ع الحبس الانفرادي ممنوع تطلع الا بدفع المخالفة الي عليها .

هههههههههههههههههههههههههههههههه

اشتقنالك والله

بالنسبة لم ذكرتي عزيزتي ميار . بصراحة انا معك بكل كلمة حكيتيها : وكلو كووووم وابن اختو لنزار قباني كوم تاني ..
ع فكرة انا وحدة من الناس بس اقرأ خاطرة ولا قصيدة لأحد الأعضاء
وتكون من قلمه فعلا مش لطش قصدي نسخ .. بقعد اقرأ فيها 3 او 4 مرات وبالآخر بعجز اني اوصف كلمة لإبداعه

وحتى ولو كانت مجرد خرابيش بس الأكثر صدقا اني بعجب فيها وبحكي كلمة شكر .. بس بيني وبينك وأوعك حد يسمعنا الي مابعجبني كتابته غالبا بمر مرور الكرام ومابحكي شكرا ولا عفوا . . .
خسارة حتى تنتقدي .. بتعرفي ليش؟

لأني مش هزيد على كلام لايت الي بتحكيلك احيانا الصراحة ماحدا بتقبلها .. وهاد للأسف الي فعلا موجود وحصل قبل هيك بالمنتدى عنا هاان كتييييييييييييييييييييييير
وهااتك وجييبك كلام وحكي ..

ع فكرة انا وحدة من الناس اكلت بهدلة بس مش بالمنتدى هاد لأني انتقدت على كتابة خاطرة ههههه بعدها شديت داني ازا عمري بعلق شي .
وحدة كانت كاتبة خاطرة والله هيك بالزبط :
اليك يا روحي يا اغلى من حياتي
اليك يااقرب من انفاسي
اليك يامش عارفة مين وطبت البنت اليك واليك وخلصت الخاطرة وأنا مش عارفة شو هوا الي اليك بالزبط
طيب حطي اليك اكتب كلماتي اليك اكتب اشعاري اليك أهديك قلبي اليك اي حاجة تفرح الزلمة خليتيه عقلك وروحك .
ياخيستي شو تبهدلت ههههههههههههههههههههههه

بس مش بالأسلوب هاد نقدتها طبعا .لاء بأسلوب لبق شوي .. كان زمانها اغتالتني . بس بردو مافي فايدة الظاهر المدح والذم كلو واحد عندها ههههههههههههه

فمشان هيك انسي اني اذم بحدا بعد هيك.. ازا بعجبني بقول كلمة شكر والغالب بصراحة بعجز اني ألاقي كلام لأمدح فيه بقلب وضمير . وان ماعجبني بسكت

[dr/ meme]

كلامك مزبوط يا ميااار
للأسف من معرفتي لكتير بنات , شخصيتهم داخل المنتدى , لاتمت بصلة لشخصيتهم على ارض الواقع , طبعا مش الكل , انا قاصدة ناس معينين , زوق واحترام بحسوسكي يعني !!!!

وحكاية المجاملات في الردود احكيلك شغلة انا لاحظت انو اصحاب المواضيع ما بتقبلوا حد ينتقد موضوعهم , بالعكس بتشنجوا ازا حد قال رأيوا بصدق شوي من غير مجاملات كزااابة ....

وبالنسبة للمواضيع المنقوولة انا بصراحة ما بوافقك الرأي , بالعكس يعني من وين بدهم يخترعوا الاعضااء ههههه لما يكون موضوع علمي يعني لما يكون منقول وغرضوا انو يفيدنا ما في مشكلة انو يكون منقول , ومن باب تنشيط المنتدى
وبس ,,,

ويسلموا لموضوعك

[SUPERIOR]

خديها يااوراكيدا ع الحبس الانفرادي ممنوع تطلع الا بدفع المخالفة الي عليها .

هههههههههههههههههههههههههههههههه

صحي انا معك خديها يا داااااااااااااااااارك ..

والكفاله كبيره كماااان .. الكفاله انها ترجع تمسك قسم الشعر !!!


مها كلامك حلو عجبني ..


ميمي .. لما يكون النقد بناء وبهدف المصلحة ما اعتقد العضو بنزعج ..


شكرا للجميع ..

[د/أحمد]

مياار تحيية طيبة الك ولمووضوعك بالبدااية



اعجبني جدا النقد هااد وبصراحة بدي اعلق علييه من امبارح بس حبيت اكون فاضي مشان امخمخللو





بالنسبة للنقطة الاولى

/

مواضيع بأسماء متتعددة وبزخارف ملونة والفكرة وااااااااااااحدة

وخصوصا في هالقسم

الأسئلة تتكرر في معظم المواضيع

رأيك في العضو الفلاني , شو بتحب , شو بتكره , اسمك المستعار

موضوع عجبك , باقة ورد , ضمة بقدونس

اي حاجة المهم اسئلة

بالنهاية الفكرة ما تغيرت وكل الي اتغير زخرفة الموضوع

العبارات الي بنبدا فيها الموضوع واسم الموضوع طبعا

كلامك مزببوط اختي ولكن احنا بنشووف الاعضااء بيحبو النوعية هااي من الاسئلة وبيجاوبا عليها وهييك وبيتاابعوها حتى لو ما شاركوو وان كانت بنفس المضمون ولكن المسمى مختلف يعني الي بيجيب هالمواضيع مشان انو يحفز الاعضااء يردو ويشارركو مش قصة انو تكراار وهييك

يعني بس كتير احيانا ما بتزبط لانو ما بعرف ازا في حدا بيخجل من الرد او انو مستحي او مثلا بخااف يععني ايشي ومنووو
فصدقيني مش قصة تكراار او غيره بس المشرف بيحاول بكل جهده انو ينشط ويشجع الي بيتفرجوا على انهم يشاركو

ولو اني متفق معااكي انو قصة التكراار بتخلي الايشي يبدأ بملل






النقطة الثاانية

/

ليه لما اي عضو /ة ( وانا كزلك قبل فترة ؛) ) ينزل قصيدة او خاطرة أو اي موضوع فيه فكرة جديدة

بتنزل بعدها ردود

قصيدة رائعة وكلمات مميزة وفكرة موضوع لم تمر على ذهن بشر

بيحسسوني انو الي كتبها ابن اختو لنزار قباني

ولا ابنها لاحلام مستغانمي

وطبعا الكاتب بيصير يقول أنا ولا مش أنا


حلوة المجاملة

بس الأحلى انو يكون اسلوبنا صريح وبنفس الوقت لبق

يعني بنحكيلو عن الجانب الحلو وبنفس الوقت بننقد الشي الناقص في الموضوع

الانتقاد بيخلي الشخص طور من نفسو في الأمور الي ناقصة عندو

كلامك مزببوط اختي ولكن يعني احيانا الوااحد بيتعب وبيعمل جهد وبيكتب وللاسف ما بيلقى حدا خير شر يرد علييه بصراحة احباط بيصير للكااتب


وبنفس الوقت الكاتب لو تم انتقااده بيزعل وصارت قصة ويمكن الكل بيعرفها انو تم انتقاد الكااتب قام زعل وحرق وطلع بلاوي وفضايح الي انتقده

يعني على الجهتيين مش خلصاانييين



انا برضو باعتب عليكي يا مياار .................. قبل هييك كتبت كمن قصييدة وخااطرة وطلبت منك شخصياا تعطيني رايك فيها حتى لو انتقااد .......... كنتي تمري عاببرة او حتى ما تردي خيرر شرر


واحيانا كتير بلاحظك بتردي على اشخااص معيينة بمسميااتهم بس .......... فهاي من ماخذنا عليكي

واخر نقطة

طبعا في كتير مواضيع منقولة في المنتدى

وهدا شي طبيعي

بس ياريت نغير شوية بطريقة عرضهم

يعني متل ما هو موجود بالمنتدى الخليجي او المصري بنجيبو ع منتدانا

طبعا اللهجة مختلفة تماما وطريقة عرض الموضوع والتنسيق مختلفة

فلو نغير الشي الي بدو تغيييير مش رح نخسر شي

يعني شخبارك تختلف عن كيفك عن ازيك وهكزااااااااا


بالعكس رح نحس انو فيه شي جديد تغير بالموضوع

وانو اعملنا فيه حركة للافضل

مش كوبي بييست واجري

بصرااحة انا هااي بلاحظها كتيير على الاعضاااااااااااااااء

وما بارضى اني احررجهم قداام الاعضااء

وبحكي مشي وخلييهم زي غيررررهم


بس ممكن نوجه الهم انتقااد ولو في الخفااء







شكرا الك ياا ميااار بجد موضوعك اعجبني كتير

ياارييت لو كل مررة زي هييك في نااس تنصح وتنتققد بجد






نورتي يا خيتي

وتقبلي نقدي
هههههههههههه




مع حبي
د/أحمد

[SUPERIOR]

بس لو انك بتكتبش بالأحمر يا اللللللله !!

[د/أحمد]

بس لو انك بتكتبش بالأحمر يا اللللللله !!

الأحمر بيئهر ئهرر

هههههههههههههههههههه



مع حبي
د/أحمد

[SAMOKA]

ادعوا لميار تطيب( ميارا عيانة ) وهي رح ترجع ترد عليكو :(

[SUPERIOR]

لا والله سلامتها ..

اعطيها ترامال يا اسما بتصحصح هههه